Aqro İnformasiya Mərkəzi

Ümumi informasiya yayımı şöbə tərəfindən həyata keçirilən əsas istiqamətlərdən biridir. Eyni zamanda AİM əməkdaşlarının müəllifi olduqları texniki materialların hazırlanmasında yaxından iştirak edilir. Buraya kənd təsərrüfatı sahəsində çalışan əhali üçün vərəqələr, bitkilərin mühafizə olunması, insektisidlərdən, fundosidlərdən və üzvü pestisidlərdən istifadə üsulları haqqında lifletlər, kitabçalar kimi məsləhət yardım materillarının hazırlanması daxildir. Bütün bunlarla yanaşı fermerlər üçün ayda bir dəfə olmaqla “Sərvət” adlı jurnal dərc edilir. İnformasiya və Marketinq şöbəsi ölkədə aqrar sahədə aparılan islahatarın və yeni dəyişikliklərin müntəzəm olaraq izlənilməsinə də xüsusi yer ayırır.

«Sərvət». Jurnal oxucu kütləsinin marağı və təlabatına uyğun şəkildə hazırlanır. Odur ki, lazım gəldikcə curnalda dərc olunan məqalələrlə bağlı  respondentlərin rəyi öyrənilir. Jurnalın ayrı-ayrı saylarını əldə etməklə mütəxəssislərimizin məsləhətləri ilə tanış ola, dünya təcrübələrindən faydalana bilərsiniz. Vəsaitdə həmçinin həyata keçirilən layihələr, aqrar sahədə qəbul edilən yeni hüquqi aktlar, Milli Hidrometrologiya departamenti tərəfindən verilən hava proqnozları, bazar məlumatları, yeni dərman preparatları, yeni sortlar və müvafiq sahədə baş verənlərlə əlaqəli digər məqalələr dərc olunur. Jurnal respublikamızın 23 rayonunda yayımlanır.

Bazar məlumatları. İnformasiya və Marketinq şöbəsi respublikamızın regionları üzrə kənd təsərrüfatı məhsullarının qiymətlərinin toplanmasına və nəşrinə dair məlumatın yayımı fəaliyyətini həyata keçirir. Bu fəaliyyət Gəncə Aqro Biznes Assosasiyyası (GABA) və Əkinçi-UA MMC ilə birgə hayata keçirilir. Məlumatlar respublikamızın müxtəlif coğrafi cəhətlərində yerləşən 7 regionun (Bakı-Sumqayıt şəhərləri daxil olmaqla) 29 şəhər və rayonunu əhatə edir. Məlumatda 19 adda məhsulun pərakəndə, topdansatış qiymətləri və bu qiymətlərin region üzrə orta qiymətləri, eləcədə orta satış qiymətlərinin dinamikası öz əksini tapmışdır.

 

İctimai Əlaqələr. Şöbə məqsəd ərazilərində baş verən aqrar yeniliklərlə bağlı hazırlanan informasiyaların və bu xüsusda öyrənilən ekspert rəylərini informasiya agenlikləri və digər kütləvi informasiya vasitələri (KİV) vasitəsilə ictimaiyyətə çatdırmağa nail olub.

İ&M Şöbəsi respublikada aqrar sahədə fəaliyyət göstərən bir çox təşkilat və içtimai birliklərlə əlaqələr qurmuş, onların bir çoxu ilə qarşılıqlı informasiya mübadiləsinə dair memorandum imzalamışdır. Respublikanın aparıcı Kötləvi İnformasiya Vasitələri (KİV), o cümlədən informasiya agentlikləri ilə əlaqələr yaradılmış və bu istiqamətdə fəaliyyət davam etdiriləcək.